Lanka T News

ගංවතුර වන්දි ගැන කැබිනට් පත්‍රිකාව ඉදිරි සති දෙක තුළ

2023-09-11 11:12:33 News Views : 60

ගංවතුර හේතුවෙන් සිදුව ඇති වගා හානි සඳහා වන්දි ලබාදීමට අදාළ කැබිනට් පත්‍රිකාව ඉදිරි සති දෙක තුළ අමාත්‍ය මණ්ඩලය වෙත ඉදිරිපත් කිරිමට නියමිතව තිබේ.

පසුගිය දිනවල පැවැති අධික වර්ෂාව හේතුවෙන් හම්බන්තොට දිස්ත්‍රික්කය ඇතුළු ප්‍රදේශ රැසක අස්වනු නෙළීමට ආසන්න තත්ත්වයේ පැවැති කුඹුරු රැසක් විනාශයට පත්ව තිබුණි.

ඒ අනුව නියඟයට අදාළ වගා හානි ලබාදීම සම්බන්ධ කැබිනට් පත්‍රිකාව මේ වන විට සම්පාදනය කර ඇති ගංවතුර හේතුවෙන් සිදුව ඇති වගා හානි සඳහා තක්සේරු කිරීම සඳහා මේ වන විට තොරතුරු රැස් කරමින් පවතින බව කෘෂිකර්ම අමාත්‍ය මහින්ද අමරවීර මහතා පැවසුවේය.

මේ අතර දේශිය අර්තාපල් තොග ගැනුම් මිල පහළ අගයක් ගැනීම හේතුවෙන් තමන් දැඩී අසීරුතාවට පත්ව ඇති බව අර්තාපල් ගොවීන් පවසයි.

ඔවුන් පෙන්වාදෙන්නේ ආනයනික අර්තාපල් තොග දිගින් දිගටම වෙළෙඳපොළට නිකුත් කිරීම තුළ වෙළෙන්ඳන් දේශීය අර්තාපල් මිලදී ගැනීමට මැලිකමක් දක්වන බවය.