Lanka T News

ආදර ආරවුල ගින්නෙන් අහවරයි

2023-09-17 12:00:28 News Views : 27

යාපනය, චුන්නාකම්, තාවඩි ප්‍රදේශයේ නිවසකට ඇතුළු වූ පුද්ගලයින් පිරිසක් විසින් පෙට්‍රල් බෝම්බ ප්‍රහාරයක් එල්ල කිරීමෙන් අදාළ නිවසේ සිටි පුද්ගලයින් පස්දෙනෙකු තුවාල ලබා යාපනය රෝහලට ඇතුළත් කර තිබේ.

පොලීසිය පැවසූවේ, අදාළ නිවසේ පදිංචිව සිටි මව,පියා, පිරිමි දරුවෙකු හා ගැහැනු දරුවන් දෙදෙනෙකු අදාළ සිදුවීමෙන් පිළිස්සුම් තුවාල ලබා යාපනය රෝහලට ඇතුළත් කොට ඇති බවය.

අදාළ නිවසේ ගැහැනු දරුවෙකු යාපනය, උරුම්පිරායි ප්‍රදේශයේ තරුණයෙකු සමඟ ආදර සම්බන්ධතාවයක් පවත්වාගෙන ගොස් ඇති අතර, එහිදී ඇති වු ආරවුලක් මත එම තරුණයා සිය මිතුරන් සමඟ පැමිණ මෙලෙස නිවසට ගිනි තබා ඇතැයි විමර්ශනවලදී අනාවරණය වී තිබේ.

නිවසට ගිනි තැබූ පිරිස නිවස ඉදිරිපස නවතා තිබු ත්‍රිරෝද රථයකට හා නිවසේ දොර ජනෙල්වලටද පහරදී අලාභ සිදුකර ඇති බව පොලීසිය පවසයි.

සිද්ධියට අදාළව තරුණයින් තිදෙනෙකු අත්අඩංගුවට ගෙන ඇති අතර, සැකකරුවන් යාපනය මල්ලාකම් මහෙස්ත්‍රාත් අධිකරණයට ඉදිරිපත් කිරීමට නියමිතය.

සිද්ධිය සම්බන්ධයෙන් චුන්නාකම් පොලීසිය වැඩිදුර පරීක්ෂණ මෙහෙයවයි.